Yqvbmun

La Nunsiade e je tra lis tradizions furlanis dal timp prin di Nadâl, chê di cjantâ il Vanzeli di Luche dal verset 26 al verset 38 dal prin cjapitul dulinvie la novene di Nadâl. Chel toc che al tache cun: "Tal sest mês Diu al mandà..."

Al è clamât in latin "Missus" e in furlan "Nunsiade". Cheste tradizion a ven screade dal Patriarcje Francesc Barbato inte Glesie di Sante Marie in Cjistiel a Udin tra il 1596 e il 1616, e scomençà subite a slargjâsi pai paîs fintremai a deventâ une costumance. De fin dal secul XVII diviers autôrs furlans tant che Zuan Batiste Tomadini, Antoni De Zorzi, Meni Pecile, Vigj Comencini, Zuan Batiste Candot, Jacop Tomadini e Vittorio Franz meterin la lôr art al servizi de Nunsiade. La version di Candotti e je cjantade ancjemò in cualchi glesie che e presee lis tradizions.

La prime version par furlan.

Opare di art e di fede e je stade dedeade a don Mario Tavano, no dismenteât plevan di Sant Vît di Feagne. La "prime" a je stade tignude vie pal Avent dal 2004 a Magnan, cuistant cu le sô intime e sintude anime profonde i compliments di monsignor Pieri Brollo, arcivescul di Udin, che à vude in regâl la partidure de opare. Ogni an e à vût plui di une repliche, al è stât eseguît ancje intal Domo di Udin e inte glesie mari di Aquilee.

Il test al è gjavât fûr de Bibie Furlane, voltade di pre Toni Beline, e buride fûr intal 1997 dal Istitût "Pio Paschini". La musiche e je scrite di Giuliano Fabbro (diplomât in pianoforte e composizion). Cheste prime version furlane e je par vôs blancjis, l’agnul, vôs di oms, cui che al conte (storic), sopran soliste, la Madone, e piçule orchestre. Al è cussì nassût il prin Missus in furlan clamât come de tradizion, La Nunsiade.