El desyérto del Sahara es el desyerto kalido más grande del mundo, el kualo tiene unos 9.065.000 km² de ekstension. Se topa enel nord de Afrika, separando el kontinente en dos rejiones: Áfrika mediterránea al nord i Áfrika subsahariana al sud. Limita al este kon la mar Kolorada, i al oksidente kon el oseano Atlantiko; al norte kon las montanyas Atlas i la mar Mediterraneo. Tiene más de 2.5 milyones de anyos. El su nombre tiene su orijin enel biervo arabo ṣaḥrāʾ صحراء (desyerto). Esta ekstendido por 11 payises: Arjelia, Tunesia, Marroko , Sahara Oksidental, Mauritania, Mali, Nijer, Libia, Chad, Ayifto i Sudan, afilu es konosido ke el Sahara se achika i krese periodikamente, por lo ke sus frontieras no siempre son presisas.
Este desyerto se topa en kaji todos los payises del nord de Afrika ande la kultura araba es la mas emportante. Las dunas de arena empiesan serka del Alto Atlas i yegan asta las rejiones tropikalas al sud. Enel Alto Atlas, sólu se topan arvoles asta unos metros de los rios flakos i kon poka agua. Afilu estos arvoles son muy védres, aziendo kontrasto kon la arena de la rejion. Tambien se topan muchas palmeras de datiles. Algunas veses los oasis tienen kanales para uzar el agua para arrufiar la siembra. Los tuareg yaman en su lingua tamazight a kaji todo el Sahara: Teneré (El Desolado); ahuéra de la nasión Tuareg el biervo Teneré sinyifika prinsipalmente el "desyerto del desyerto", la rejión sentrala i mas seka del Sahara.
Payises enel Sahara[trocar | trocar el manadero]
Los sigientes payises se ankontran total o parsialmente kuvridos por el Sahara.
Arjelia
Ayifto
Chad
Libia
Marroko
Mauritania
Mali
Nijer
Repuvlika Araba Saharaui Demokratika
Sudan
Tunesia
Arjelia
Ayifto
Chad
Libia
Marroko
Mauritania
Mali
Nijer
Repuvlika Araba Saharaui Demokratika
Sudan
TunesiaAtamientos eksternos[trocar | trocar el manadero]
- Desierto del Sahara (Biomas del Mundo) (en lingua kastilyana)
- Flora y fauna del Sahara (en lingua kastilyana)
- Nómadas del agua en el antiguo Sáhara (en lingua kastilyana)