ISO 3166-2ii1m067n
ISO 3166-2 is t tweede gedeelte van de ISO 3166-standard en gif de kodes veur de namen van de belangriekste deelsektoren (bieveurbeeld provinsies of staoten) van alle laanden die ekodeerd bin volgens ISO 3166-1. De offisiële naam van disse standard is de Codes for the representation of names of countries and their subdivisions – Part 2: Country subdivision code, vrie vertaald de Kodes veur de representasie van namen van laanden en heur onderverdelingen. De standard wördden veur t eerst uutebrocht in 1998.
t Doel van ISO 3166-2 is t vastestellen van n internasionale standard van korte en unieke alfanumerieke kodes die de desbetreffende administratieve onderdelen van alle laanden reprissenteren in n eenvoudige en minder dubbelzinnige vorm as de hele naam. Elke vollejige ISO 3166-2-kode besteet uut twee delen, escheien deur n koppelteken:
t Eerste deel is de ISO 3166-1 alfa-2-kode van t laand; t Tweede deel is n reeks van hooguut dree alfanumerieke tekens, die meestentieds uut nasionale bronnen ehaold wörden en kömp uut kodeersystemen die al in gebruuk bin in t laand zelf, mer kunnen oek ontwikkeld ween deur de ISO 3166 Maintenance Agency (ISO 3166/MA). Elke vollejige ISO 3166-2-kode kan vervolgens gebruukt wörden um op unieke wieze n belangriek administratief onderdeel te identifiseren in n wereldwieje kontekst. Op t moment bin der meer as 4200 kodes vastesteld in ISO 3166-2.
|
Dit artikel is eskreaven in et westveluwske dialekt van Nunspeet, in de Algemene Nedersaksiese Schriefwieze. |